РФ адмовілася трансляваць выступ Самойлавай на "Еўрабачанні"

© Sputnik / Алексей Филиппов / Перайсці ў фотабанкСпявачка Юлія Самойлава
Спявачка Юлія Самойлава - Sputnik Беларусь
Еўрапейскі вяшчальны саюз прапаноўваў Юліі Самойлавай выступіць на "Еўрабачанні-2017" дыстанцыйна.

МІНСК, 24 сак — Sputnik. Расійскі Першы канал адхіліў прапанову Еўрапейскага вяшчальнага саюза (ЕВС) па арганізацыі анлайн-трансляцыі выступу расійскай удзельніцы "Еўрабачання-2017" Юліі Самойлавай у рамках конкурсу.

Служба бяспекі Украіны ў сераду прыняла рашэнне забараніць уезд Самойлавай у краіну на тры гады. У чацвер стала вядома аб прапанове ЕВС правесці прамую трансляцыю выступу расійскай спявачкі на конкурсе з прычыны забароны для артысткі на наведванне Украіны.

Галоўны прыз конкурсу Еўрабачанне - Sputnik Беларусь
Фанаты прапанавалі прадставіць ад РФ на "Еўрабачанні" пустую сцэну

"Мы лічым дзіўнай прапанову дыстанцыйнага ўдзелу і адмаўляемся ад яго, паколькі яно, безумоўна, супярэчыць самому сэнсу мерапрыемства, няўхільным правілам якога з'яўляецца выступ у жывым эфіры на сцэне "Еўрабачання", — паведамілі ў эфіры Першага канала.

Як адзначылі на расійскім тэлеканале, ЕВС "не павінен вынаходзіць новых правілаў для расійскага ўдзельніка ў 2017 годзе і здольны правесці конкурс у адпаведнасці са сваім жа рэгламентам".

"Па правілах "Еўрабачання", краіна-вяшчальнік павінна забяспечыць усім удзельнікам "магчымасць атрымаць уязную візу на ўвесь перыяд правядзення мерапрыемства". "Такім чынам адмова Юліі Самойлавай ва ўездзе на тэрыторыю Украіны парушае правілы конкурсу", — адзначылі на Першым канале.

Шэраг расійскіх палітыкаў і артыстаў ужо выступілі з ініцыятывай байкатаваць "Еўрабачанне" з-за рашэння Кіева. Прэс-сакратар прэзідэнта РФ Дзмітрый Пяскоў у чацвер заявіў, што "рашэнне ўкраінскага боку сур'ёзным чынам дэвальвуе маючы адбыцца конкурс, гэта наносіць удар па прэстыжу "Еўрабачання".

Стужка навiн
0
Спачатку новыяСпачатку старыя
loader
У эфіры
Заголовок открываемого материала