МІНСК, 4 кра — Sputnik. Умерана цёплае надвор'е захаваецца на Беларусі ў аўторак, 4 красавіка, ападкаў не чакаецца, паведамілі Sputnik у Гідрамеце.
Раней сіноптыкі папярэдзілі, што пасля цёплых выхадных у краіну прыйдзе пахаладанне ў сувязі з паступленнем паветраных мас са Скандынавіі.
"Будзе пераменная воблачнасць, пераважна без ападкаў. Раніцай у асобных раёнах слабы туман", — сказалі ў Гідрамеце.
Там таксама паведамілі, што максімальная тэмпература паветра днём складзе ад +9 да +15°C, па паўднёвым захадзе Беларусі — да +17°C.
У Мінску, паводле інфармацыі сіноптыкаў, дажджу ў аўторак не будзе, а днём паветра прагрэецца да +14°C.
