МІНСК, 5 кра — Sputnik. У Мадрыдзе на базе Вучэбнага моўнага цэнтра "Лінгваландыя" арганізаваны курсы вывучэння сучаснай беларускай мовы для прадстаўнікоў беларускай дыяспары і іспанскіх грамадзян, паведамілі Sputnik у прэсс-службе беларускай дыпмісіі.
Паводле інфармацыіі пасольтсва, ідэя арганізацыі курсаў належыць грамадзянцы Беларусі, кіраўніцы цэнтра "Лінгваландыя", члену Кансультатыўнага савета па справах беларусаў замежжа Святлане Яськовай.
У пасольстве распавялі, што першы занятак для беларусаў i іспанцаў, зацікаўленых у вывучэнні i практыкаванні сучаснай беларускай мовы, адбыўся 1 красавіка 2017 года.
"На працягу дзвюх з паловай гадзін у вельмі станоўчай і сяброўскай атмасферы настаўнік беларускай мовы Сяргей Манюк дапамагаў іспанскім вучням пазнаёміцца з беларускай мовай, а нашым суайчыннікам у Іспаніі — успомніць вывучанае раней", — гаворыцца ў паведамленні.
Таксама на занятках прысутнічалі два іспанцы, якія раней самастойна вывучалі беларускую мову і ўразілі прысутных сваімі ведамі.
Такім чынам, далёка ад роднага краю беларусы i іспанцы абменьваліся ведамі, размаўлялі па-беларуску, пашыралі свой слоўнікавы запас.
Пасольствам Беларусі ў Іспаніі будзе перададзена ў дар моўнаму цэнтру "Лінгваландыя" бібліятэка беларускіх кніг для арганізацыі вучэбнага працэсу.
