МІНСК, 5 кра — Sputnik. Спецыялісты Рассельгаснагляду пачалі інспектаваць беларускія прадпрыемствы, паведамілі Sputnik у Міністэрстве сельскай гаспадаркі і харчавання Беларусі.
Раней у Мінсельгасхарчы заяўлялі, што інспектары Рассельгаснагляду прыедуць у Беларусь для праверак беларускіх прадпрыемстваў мясной і малочнай прамысловасці. Там выказвалі надзею, што абмежаванні на пастаўкі беларускага харчавання будуць знятыя ў сярэдзіне красавіка.
"У сераду спецыялісты Рассельгаснагляду прыбылі ў Беларусь, яны пачалі працу на прадпрыемствах у Гомельскай і Брэсцкай абласцях", — паведамілі ў міністэрстве.
У Мінсельгасхарчы дадалі, што інспекцыі працягнуцца да 9 красавіка.
Як паведамлялася, зараз абмежаванні на пастаўкі мясной прадукцыі ў РФ дзейнічаюць у дачыненні да 12 малакаперапрацоўчых прадпрыемстваў, 8 мясакамбінатаў і трох буйных птушкафабрык Беларусі.
