МІНСК, 8 кра — Sputnik. "Дзіцячыя садкі" для пажылых людзей збіраюцца адкрыць на базе аддзяленняў дзённага знаходжання для пенсіянераў у некаторых тэрытарыяльных цэнтрах сацыяльнага абслугоўвання насельніцтва, паведамілі ў Мінгарвыканкаме.
Сёння аддзяленні дзённага знаходжання для састарэлых людзей працуюць ва ўсіх тэрытарыяльных цэнтрах сацыяльнага абслугоўвання насельніцтва Мінска. Іх наведваюць актыўныя гараджане, якія прыходзяць туды самі.
"У перспектыве мы хочам, каб гэтыя падраздзяленні больш выконвалі функцыю дзіцячага садка для людзей сталага ўзросту, якія не могуць знаходзіцца дома ў адзіноцтве", — патлумачылі ў Мінгарвыканкаме.
Там таксама адзначылі, што сацыяльныя службы павінны не толькі забаўляць пенсіянераў, але і аказваць падтрымку іх блізкім. Гэта дазволіць захаваць сям'ю для пажылога чалавека.
Першы "дзіцячы сад" плануецца адкрыць у Ленінскім раёне. Там аддзяленне для жыхароў сталага ўзросту знаходзіцца ў асобным будынку, што дазволіць стварыць усе неабходныя ўмовы. Акрамя таго, абмяркоўваецца пытанне аб увядзенні ў штат медыцынскай сястры.
