МІНСК, 9 кра — Sputnik. Беларуская чыгунка прызначыла дадатковыя цягнікі на перыяд майскіх святаў, усяго з 26 красавіка па 11 мая будзе хадзіць 51 дадатковы цягнік, паведамілі Sputnik у прэс-цэнтры БЧ.
Там праінфармавалі, што 40 цягнікоў з прызначаных дадаткова — гэта цягнікі міжрэгіянальных ліній, яшчэ 11 складаў будуць курсіраваць у міжнародных напрамках.
У міжрэгіянальных напрамках будуць хадзіць дадатковыя цягнікі Мінск — Гомель — Мінск, Мінск — Брэст — Мінск і іншыя. Па найбольш папулярным у пасажыраў напрамках у святочныя дні будуць курсіраваць цягнікі двума складамі:
- № 701/702 Мінск — Брэст адпраўленнем з Мінска 1 мая, у зваротным кірунку цягнік адправіцца 2 мая;
- № 748/747 Мінск — Бабруйск з адпраўленнем з Мінска і Бабруйска 1 і 9 мая;
- № 743 Бабруйск — Мінск з адпраўленнем з Бабруйска 26 красавіка і 10 мая;
- № 732/731 Мінск — Орша з адпраўленнем з Мінска і Оршы 17, 25 і 26 красавіка;
- № 734/733 Мінск — Орша з адпраўленнем з Мінска і Оршы 25 красавіка і 9 мая;
- № 736/735 Мінск — Орша з адпраўленнем з Мінска і Оршы адпраўленнем 25 красавіка і 9 мая
Што тычыцца міжнародных напрамкаў, то Беларускай чыгункай сумесна з Расійскімі чыгункамі дадаткова прызначаныя цягнікі па найбольш запатрабаваных маршрутах: Брэст — Масква — Брэст, Мінск — Масква — Мінск.
Акрамя таго, у святочны перыяд па БЧ транзітам будуць курсіраваць дадатковыя цягнікі № 148/147 Калінінград — Масква — Калінінград і № 80/79 Санкт-Пецярбург — Калінінград, Гомель — Шчорс — Гомель.
Больш падрабязную інфармацыю аб дадатковых цягніках і часу іх адпраўлення можна атрымаць на сайце БЧ.
Беларуская чыгунка мае намер працягнуць працу па прызначэнні дадатковых цягнікоў на красавіцкія і майскія святы і па выхадных днях з улікам росту пасажырапатоку, адзначылі ў прэс-службе.
