Мітрапаліт Мінска-Магілёўскі арцыбіскуп Тадэвуш Кандрусевіч паведаміў, што 28 верасня ўпершыню ў Беларусі адкрыецца Савет Канферэнцый каталіцкіх біскупаў Еўропы.
Паводле яго слоў, Беларусь упершыню прымае такі вялікі форум, на якім збярэцца каля 50 біскупаў з усёй Еўропы, а таксама 10 кардыналаў.
Галоўнай тэмай гэтага пасяджэння будзе моладзь, таму што наступны Сінод біскупаў будзе прысвечаны пытанням моладзі. Гэта этап падрыхтоўкі еўрапейскіх епіскапатаў да наступнага Сіноду біскупаў.
Тадэвуш Кандрусевіч адзначыў, што прымаць такі форум вялікі гонар для краіны.
