На 29 спецыяльнасцяў у ВНУ можна будзе паступіць без іспытаў

© Sputnik / Виталий Аньков / Перайсці ў медыябанкСтудэнты перад іспытам
Студэнты перад іспытам - Sputnik Беларусь
Падпісацца
На спецыяльнасці без экзаменаў прымуць міжнародных алімпіяднікаў, залатых і срэбных медалістаў і тых, у каго ёсць дыплом аб прафесійна-тэхнічнай або аб сярэдняй спецыяльнай адукацыi з адзнакай.

МІНСК, 14 кра — Sputnik. Міністэрства адукацыі Беларусі ўстанавіла спіс "найбольш запатрабаваных эканомікай" спецыяльнасцяў, пры паступленнi на якiя шэрагу абітурыентаў не прыйдзецца здаваць уступныя экзамены.

У спіс ведамства на 2017 год увайшлі 29 спецыяльнасцяў.

Пералік спецыяльнасцяў уключае ў сябе:

  • "Тэхнічная праца і прадпрымальніцтва",
  • "Абсталяванне і тэхналогіі высокаэфектыўных працэсаў апрацоўкі матэрыялаў",
  • "Машыны і абсталяванне ляснога комплексу",
  • "Металургічная вытворчасць і матерыялаапрацоўка",
  • "Аграномія",
  • "Заатэхнія",
  • "Ветэрынарная медыцына",
  • "Лясная гаспадарка".

На гэтыя і некаторыя іншыя спецыяльнасці ў 2017 годзе можна паступіць без іспытаў.

Каб стаць студэнтам без здачы ўступных выпрабаванняў у абітурыента павінен быць залаты ці срэбны медаль, таксама магчыма наяўнасць дыплома аб прафтэхадукацыі або сярэдняй спецыяльнай з адзнакай.

Без экзаменаў у ВНУ прымуць таксама пераможцаў міжнародных алімпіяд, спіс якіх зацвердзіла ведамства, а таксама рэспубліканскай алімпіяды, якая прайшла ў гэтым годзе. Пройдуць без экзаменаў і пераможцы абласных і мінскага этапаў алімпіяды.

Стужка навiн
0