МІНСК, 18 кра — Sputnik. Мінскі футбольны клуб "Крумкачы" абвясціў аб розыгрышы брэндаванага цацачнага аўтамабіля Audi на матчы супраць барысаўскага БАТЭ, паведамілі Sputnik у прэс-службе клуба.
Паядынак "Крумкачы" — БАТЭ ў рамках чацвёртага тура чэмпіянату Беларусі па футболе адбудзецца ў пятніцу, 21 красавіка, на стадыёне ФК "Мінск". Стартавы свісток прагучыць у 19:30.
"У пятніцу на матчы #КрумкачыБАТЭ мы разыграем самы "сапраўдны" аўтамабіль мадэль Audi сярод прыйшоўшых на стадыён заўзятараў", — распавялі ў клубе.
Розыгрыш адбудзецца ў перапынку.
Раней брэсцкае "Дынама" на матчы з барысаўчанамі разыграла сярод заўзятараў сапраўдны аўтамабіль — Renault. Аднак шчасліўчык мае намер прадаць машыну, калі гэта будзе магчыма.
Нагадаем, пасля трох тураў "Крумкачы" займаюць дзевятае месца — у актыве каманды чатыры ачкі. Дзеючы чэмпіён краіны апярэджвае мінчан на два балы і размяшчаецца на восьмай пазіцыі. Лідзіруе гродзенскі "Нёман" (сем ачкоў).
