МІНСК, 18 кра — Sputnik. Дрэвы сакуры павінны заквітнець ў Беларусі напачатку мая, распавялі Sputnik у Цэнтральным батанічным садзе Нацыянальнай акадэміі навук.
Пахаладанне прыйшло ў рэспубліку на мінулым тыдні і захаваецца ў бліжэйшыя дні: тэмпература паветра на тры-сем градусаў ніжэй за кліматычную норму. Як запэўніваюць батанікі, на раслінах умовы надвор'я не адбіліся.
"Калі б яны ўжо квітнелі, і прыйшлі замаразкі — тады была бы шкода. Але пакуль большасць дрэў толькі з пупышкамі, яны абаронены. Прырода прадумала ўсё", — распавялі Sputnik у батанічным садзе.
У Беларусі ўжо пачалі распускацца пупышкі на каштанах, ліпах і некаторых іншых дрэвах. "Калі зноў пацяплее — некалькі дзён, і ўсё будзе ў зеляніне", — паабяцалі батанікі.
Цвіценне дрэў павінна пачацца ў маі, адзначылі суразмоўцы Sputnik. "Праз пару тыдняў заквітнее і сакура. Але падобныя расліны ў нас у цяпліцах ужо квітнеюць — можна прыходзіць і назіраць за імі", — заключылі ў батанічным садзе.
У японцаў назіранне за квітнеючай сакурай — асобная традыцыя, якая называецца ханамі. У Японіі сакура і іншыя дрэвы зацвілі яшчэ ў сярэдзіне сакавіка, а перыяд іх цвіцення завяршыўся.
