Старшакласнікі Беларусі стануць студэнтамі на адзін дзень

© SputnikБДУІР
БДУІР - Sputnik Беларусь
Падпісацца
У межах новага сезону праекта #ЯвБГУИР адзінаццацікласнікі з усіх рэгіёнаў Беларусі на сабе адчуюць усе прывабнасці студэнтцкага жыцця.

МІНСК, 18 кра — Sputnik. Інтэрактыўны адукацыйны праект #ЯвБГУИР, калі 60 школьнікаў з усіх абласцей Беларусі яшчэ да паступлення змогуць на адзін дзень акунуцца ў студэнцкае жыццё, пачаўся ў БДУІР у аўторак, распавялі ў прэс-службе БДУІР.

Тры групы падлеткаў па дваццаць чалавек 18, 20 і 27 красавіка правядуць паўнавартасны дзень звычайнага студэнта — патрапяць на лекцыі і лабараторныя ва ўніверсітэт, пазнаёмяцца з вучэбна-навуковымі цэнтрамі на некалькіх факультэтах. Удзельнікі праекта паабедаюць у студэнцкай сталовай, наведаюць спарткомплекс, фестываль студэнцкай творчасці "Студэнцкая вясна-2017" і Чэмпіянат па праграмаванні.

"Мэта праекта #ЯвБГУИР — паказаць, чым ВНУ адрозніваецца ад школы. У нас вельмі шмат самастойнай працы, трэба шмат працаваць, каб стаць паспяховым. На бюджэт ФКСіС прыходзяць абітурыенты з 350 баламі і вышэй", — распавяла куратар #ЯвБГУИР, начальнік прэс-службы БДУІР Ала Баярка.

На адмысловым брыфінгу з удзелам адказнага сакратара прыёмнай камісіі і студэнтаў БДУІР, якія прымалі ўдзел у праекце летась, адзінаццацікласнікі даведаюцца, якая спецыяльнасць ім падыдзе, як зменіцца жыццё пасля паступлення і на чым у першую чаргу зазначыць увагу пры падрыхтоўцы да здачы ЦТ.

Праграма праекта для кожнай з трох груп аднолькавая — дзень, дзе кожны крок школьнікаў распісаны па хвілінах, пачынаецца з рэгістрацыі ў 08:30 і канчаецца поўнай паўтарагадзіннай лекцыяй на факультэце камп'ютэрных сістэм і сетак (ФКСіС) у 18:30. Там жа школьнікі сустрэнуцца з выпускніком факультэта, заснавальнікам IT-кампаніі.

Праект #ЯвБГУИР падтрымлівае дзяцей, жадаючых паступаць у ВНУ, у інтэрактыўнай форме знаёміць іх з універсітэтам і навучальным працэсам.

Са слоў арганізатараў, школьнікаў, жадаючых на дзень пагрузіцца ў студэнцтва, было больш за 100. Абавязковыя ўмовы конкурсу — сэлфі са Дня адкрытых дзвярэй, заяўка і эсэ, дзе абітурыенты тлумачылі матывацыю ўдзелу ў праекце.

Сёлета праект #ЯвБГУИР праходзіць у другі раз. У 2016 годзе дзень, праведзены школьнікамі ва ўніверсітэце, даў ім не толькі мноства ўражанняў, але і моцную матывацыю да паступлення — з 76 удзельнікаў 90% сталі студэнтамі ўніверсітэта. Большасць з гэтых школьнікаў курыруюць і дапамагаюць удзельнікам праекта #ЯвБГУИР у гэтым годзе.

Стужка навiн
0