МІНСК, 19 кра — Sputnik. Першы маскоўскі канцэрт Юліі Самойлавай пасля канчатковага рашэння пра нядопуск спявачкі на Еўрабачанне-2017 пройдзе ў храме Хрыста Збавіцеля, паведамляе РІА "Новости".
"Спявачка Юлія Самойлава прыме ўдзел у велікодным канцэрце хору "Сорок сороков". Канцэрт "Песні вялікай Перамогі" адбудзецца 25 красавіка ў храме Хрыста Збавіцеля", — гаворыцца ў паведамленні.
Хор "Сорок сороков" выступіць на вялікай сцэне ўпершыню. У рэпертуары калектыву больш за трыста твораў, у тым ліку духоўныя спевы, рускія народныя песні і старадаўнія рамансы, песні ваенных гадоў.
Самойлава з песняй пра каханне "Flame Is Burning" павінна была прадстаўляць Расію на Еўрабачанні ў Кіеве. Аднак СБУ забараніла спявачцы ўезд ва Украіну на тры гады з-за таго, што яна выступала ў Крыме.
"Первый канал" палічыў, што гэта дыскрымінуе расійскую ўдзельніцу і супярэчыць правілам і прынцыпам конкурсу. Варыянт з заменай Самойлавай канал назваў непрымальным і ў сувязі з гэтым вырашыў адмовіцца ад трансляцыі Еўрабачання-2017.
