МІНСК, 26 кра — Sputnik. Гідрамет абвесціў на 27 красавіка штармавое папярэджанне ў сувязі з моцнымі дажджамі, паведаміў Sputnik начальнік службы гідраметэапрагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
Цягам тыдня ўмовы надвор'я на тэрыторыі Беларусі будзе вызначаць маларухомы атмасферны фронт, які падзеліць краіну на дзве часткі: халадней па паўночным захадзе і нашмат цяплей па паўднёвым усходзе.
"Красавік скончыцца дажджлівым і кантрасным па тэмпературы надвор'ем", — сказаў Рабаў.
З яго слоў, на чацвер абвешчана штармавое папярэджанне: па большай частцы тэрыторыі рэспублікі чакаюцца працяглыя дажджы, ноччу па паўднёвым захадзе, днём у паўночна-ўсходніх раёнах краіны моцныя дажджы.
"Днём у асобных раёнах Гомельскай вобласці магчымы навальніцы. Тэмпература ноччу +2..+7°C цяпла, днём +7..+13°C, па паўднёвым усходзе ноччу +8..+10°C градусаў, днём +14..+20°C", — адзначыў Рабаў.
У пятніцу па большай частцы тэрыторыі рэспублікі дажджы, днём у асобных раёнах навальніцы, моцныя дажджы, магчымы град, удакладніў суразмоўца агенцтва. З яго слоў, тэмпература ноччу 0..+7°C, днём +4..+11°C, па паўднёвым усходзе ноччу +8..+11°C, днём +12..+17°C, па Гомельскай вобласці +18..22°С.
У суботу па большай частцы тэрыторыі рэспублікі кароткачасовыя дажджы захаваюцца, у асобных раёнах прагназуюцца навальніцы, моцныя дажджы, днём магчымы град. Тэмпература ноччу +3..+10°C, па паўднёвым усходзе да +12°C, +9..+16°C цяпла, па ўсходзе +17..+23°C, сказаў Рабаў.
У нядзелю атмасферны фронт будзе павольна адыходзіць на ўсход і надвор'е пачне паляпшацца, сказаў сіноптык.
"Ноччу ў цэнтральных і ўсходніх раёнах, днём пераважна па ўсходняй палове краіны кароткачасовыя дажджы, у асобных раёнах навальніцы, моцныя дажджы. Тэмпература ноччу +1..+8°C, па ўсходзе +9..+12°C, +9..+16°C, па паўднёвым усходзе +17..+20°C градусаў цяпла", — паведаміў суразмоўца агенцтва.
