МІНСК, 6 мая — Sputnik. Складаныя ўмовы надвор'я чакаюцца ў бліжэйшыя дні на Беларусі, абвешчаны аранжавы ўзровень небяспекі, з панядзелка рэзка пахаладае, паведамілі ў Гідрамеце.
"7 мая, у нядзелю, надвор'е ў Беларусі будуць вызначаць актыўныя атмасферныя франты. У начныя гадзіны, раніцай і днём на большай частцы тэрыторыі дажджы. А ў асобных паўднёвых раёнах краіны чакаюцца навальніцы", — паведаміў Sputnik у панядзелак начальнік службы гідраметэапрагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
З яго слоў, у гэтую нядзелю днём пры навальніцах месцамі чакаюцца моцныя ліўні і град, у некаторых раёнах шквалістае ўзмацненне ветру парывамі да 15-20 метраў за секунду. Але будзе яшчэ адносна цёпла — уначы +6..+13°C, удзень +16..+22°C градуса цяпла, сказаў Рабаў.
Рэзкае пахаладанне
На пачатку наступнага тыдня, у панядзелак, рэзка пахаладае, ноччу і раніцай па поўначы краіны чакаюцца ападкі, у тым ліку і мокры снег, сказаў суразмоўца Sputnik.
З яго слоў, па асобных раёнах рэспублікі прагназуюцца моцныя ападкі, узмацненне ветру парывамі да 15-18 метраў у секунду, па паўднёвым усходзе магчымыя навальніцы. Тэмпература ноччу чакаецца +2..+9°C, днём +4..+11°C, па поўдні да +17°C.
"А ў Мінску ноччу і раніцай працяглы моцны дождж. Тэмпература ноччу +5..+7°C, днём +7°C ", — папярэдзіў Рабаў.
Галалёд у маі
Распавядаючы аб надвор'і на 9 мая, Рабаў адзначыў, што ў аўторак ноччу па Брэсцкай і Гродзенскай абласцях, а на астатняй тэрыторыі краіны ў асобных раёнах, днём на большай частцы тэрыторыі рэспублікі чакаюцца кароткачасовыя ападкі ў выглядзе дажджу і мокрага снегу.
"Ноччу і раніцай у асобных раёнах чакаецца слабы галалёд. Тэмпература ноччу ад 0..+6°C, пры праясненнях да —3°C, а днём +3..+10°C", — сказаў сіноптык.
У Мінску раніцай і днём кароткачасовыя ападкі — дождж, мокры снег, тэмпература на працягу дня +5..+7°C, удакладніў Рабаў.
