МІНСК, 6 мая — Sputnik. Паркоўка на шэрагу сталічных вуліц будзе абмежавана з 7 па 9 мая ў сувязі са святочнымі мерапрыемствамі, прысвечанымі Дню Перамогі, паведаміла Sputnik у суботу старшы інспектар па агітацыі і прапагандзе аддзела ДАІ Цэнтральнага РУУС Мінска Анастасія Радзько.
Так, з нуля гадзін 7 мая і да заканчэння святочных мерапрыемстваў 9 мая забарона на паркоўку аўтатранспарту будзе распаўсюджвацца на наступныя ўчасткі цэнтральных вуліц горада:
- вул. Камуністычная ад вуліцы Чырвоная да вуліцы Кісялёва;
- вул. Чырвоная ад пр. Машэрава да вул. Камуністычнай;
- вул. Кісялёва ад пл. Перамогі да вул. Куйбышава, уключаючы прыдарожныя паркоўкі.
8 мая з 22:00 да 23:00 9 мая будзе забароненая паркоўка на участках:
- праспекта Машэрава ад праспекта Незалежнасці да праспекта Пераможцаў, уключаючы прыдарожныя паркоўкі;
- паркоўкі ў двары дома №41 па праспекце Пераможцаў (побач з хімчысткай "Ззянне");
- прыдарожная паркоўка па праспекце Машэрава паміж вуліцай Заслаўскай і праспектам Пераможцаў.
ДАІ Цэнтральнага раёна просіць кіроўцаў улічваць гэтую сітуацыю пры выбары месцаў для стаянкі і раіць кіроўцам у выпадку вымушанага прыпынку ў названых месцах пакідаць пад лабавым шклом кантактны тэлефон для сувязі.
Таксама Дзяржаўтаінспекцыя просіць грамадзян якія пражываюць у дамах, прылеглых да плошчы Перамогі, не дапускаць спрацоўвання аўтасігналізацыі падчас правядзення святочных мерапрыемстваў.
Дзе ў сталіцы будуць праходзіць святочныя гулянні — глядзіце ў інфаграфіцы Sputnik>>
