МІНСК, 11 мая — Sputnik. Надвор'е на Беларусі ў хутка пачне наладжвацца: ападкі спыняцца і пацяплее, паведаміў Sputnik у чацвер начальнік службы гідраметэапрагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
Пахаладанне ў рэспубліку прыйшло на пачатку тыдня, а ў сераду і чацвер у многіх рэгіёнах краіны нечакана пайшоў снег, які месцамі праляжаў каля двух гадзін.
"Атмасферны фронт, які прынёс снег, дажджы і холад, сыходзіць на ўсход і надвор'е пачне наладжвацца. Стане менш воблачнасці, ападкі на большай частцы спыняцца, у дзённыя гадзіны будзе свяціць сонца, але з рэзкімі перападамі тэмпературы", — сказаў Рабаў.
Са слоў сіноптыка, у пятніцу 12 мая чакаецца без ападкаў, ноччу і раніцай будзе холадна — ад 0 да —5°С, днём тэмпература паветра падымецца да +16°С.
Надвор'е на выхадных будзе фарміраваць вобласць павышанага атмасфернага ціску: кароткачасовыя дажджы чакаюцца па паўднёва-ўсходніх раёнах Беларусі, ноччу па паўночным усходзе замаразкі да —2°С, днём тэмпература складзе ад +11 да +18°С. У нядзелю будзе крыху цяплей: днём +13..+20°С.
Ноччу ў панядзелак, са слоў сіноптыка, будзе яшчэ халодна: ад —2°С па ўсходзе Беларусі да +7°С па захадзе, днём паветра прагрэецца да +23°С.
