Драпежнік прыехаў з Масквы і ўжо неаднаразова здымаўся ў розных рэкламах і нават у кіно і ставіцца да людзей даволі лагодна.
Тыгрыцу клічуць Шакіра. Плануецца, што рэстаран арганізуе шоу-праграму, у якой будзе задзейнічана і тыгрыца. Бяспека гасцей залежыць ад дрэсіроўшчыцы, якая ўбрана ў касцюм антычнага воіна.
Уладальнікам рэстарана ўжо давялося паваяваць за гадаванца. У Байнэце занепакоіліся ўмовамі ўтрымання тыгра: беларускае заканадаўства прадугледжвае для тыграў утрыманне ў клетцы плошчай не менш за 25 квадратных метраў і вышынёй не менш трох метраў.
У рэстаране запэўнілі, што тыгра ў арэнду ўзялі ў маскоўскай кампаніі, якая валодае "сучаснай сістэмай выхавання драпежнікаў, народжаных у няволі".
