"Гэта была мара кожнага з удзельнікаў — трапіць у гэты праект, таму, калі мы апынуліся ў гэтым свеце, у гэтай казцы, нам не складана працаваць у гэтакім шчыльным графіку", — адказала беларуская канкурсантка на пытанне вядучага, наколькі цяжка было ўдзельнічаць у праекце.
Даша таксама падзякавала арганізатарам праекта за магчымасць удзелу ў ім.
"Пачынаючы з першага тура нас уражваў унутраны талент дзяцей, якія пазбаўлены рэпетытараў і іншых магчымасцяў і паказвалі тое, што ў іх ёсць, дадзенае прыродай. Далей яны з кожным разам мяняліся, станавіліся нават непазнавальнымі", — распавёў прадстаўнік журы шоу "Ты супер!" Віктар Дробыш.
26 мая фіналісты праекта выступяць у Крамлі. Разам з удзельнікамі шоу ў фінальным канцэрце выступяць прызнаныя зоркі музычнай сцэны з розных краін, у прыватнасці Анне Вескі, Тамара Гвердцытэлі, Палад Бюль-Бюль-аглы, Вера Брэжнева і іншыя.
"Ты супер!" — унікальны музычны праект, у якім прынялі ўдзел прадстаўнікі 12 краін. Дзякуючы НТБ, агенцтву Sputnik і Міністэрству адукацыі і навукі РФ дзеці з няпростым лёсам змаглі ўразіць сваім талентам шматмільённую аўдыторыю гледачоў і папрацаваць з лепшымі педагогамі і прадзюсарамі.
