МІНСК, 25 мая — Sputnik. Цёплае надвор'е захаваецца ў Беларусі ў чацвер 25 мая, але месцамі пройдуць моцныя дажджы, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Раней сіноптыкі прагназавалі, што ападкі спыняцца ў рэспубліцы да выхадных — у суботу 27 траўня ўжо дажджоў не чакаецца.
"У чацвер будзе воблачна з праясненнямі, пераважна па паўднёва-ўсходняй палове краіны кароткачасовыя дажджы, у асобных раёнах — навальніцы, у паўднёва-ўсходніх рэгіёнах — моцныя дажджы", — сказалі ў Гідрамеце.
Там таксама паведамілі, што максімальная тэмпература паветра днём складзе ад +17 да +23°C. У Мінску, паводле інфармацыі Гідрамета, днём будзе без істотных ападкаў, а паветра прагрэецца да +20°C.
Як паведамляў Sputnik напярэдадні, на чацвер сіноптыкі абвясцілі ў Беларусі аранжавы ўзровень небяспекі з-за ліўняў.
