https://bel.sputnik.by/20170526/dzazavyja-vechary-u-minsku-raspachynajuc-jubilejny-sezon-1028971414.html

"Джазавыя вечары" ў Мінску распачынаюць юбілейны сезон

"Джазавыя вечары" ў Мінску распачынаюць юбілейны сезон

Sputnik Беларусь

Хэдлайнерамі фестывалю выступяць Скот Хэндэрсан, Крысціан Галвэз і Кліўленд Джонс. 26.05.2017, Sputnik Беларусь

2017-05-26T10:27+0300

2017-05-26T10:27+0300

2017-10-27T15:04+0300

у беларусі

навіны

афiша

"джазавыя вечары" ля ратушы

летнія фестывалі беларусі-2017

верхні горад

стыль жыцця і адпачынак

музычныя жанры

https://cdnn11.img.sputnik.by/img/102897/13/1028971303_0:51:1024:631_1920x0_80_0_0_cf22b1e7e6d5b6446e310b793bb95cee.jpg

МІНСК, 26 мая — Sputnik. 10, 17 і 24 чэрвеня ў Мінску каля Ратушы адбудуцца канцэрты пятага сезону праекта "Джазавыя вечары", на якіх выступяць музыкі з ЗША, Нідэрландаў, Францыі, Чылі, Туніса, Туркменістану і Беларусі.У праграме пятага сезону вакальныя і інструментальныя выступы розных стыляў і напрамкаў: этна-джаз, класічны джаз, свінг, арыентал-джаз, ф'южан, джаз-фанк, джаз-соўл, модэрн-джаз, мэйнстрым, рытм-энд-блюз, кантэмпарары і іншых.10 чэрвеня зоркай вечару будзе знакаміты Скот Хэндэрсан (ЗША), уладальнік тытулаў "Джазавы гітарыст №1" (па версіі часопіса Guitar World) і "Лепшы джазавы гітарыст" (па версіі Guitar Player). Ён выступіць у суправаджэнні французскіх музыкаў Арчыбальда Лаганьера (бас) і Рамана Лабайе (бубны). Таксама на сцэну выйдуць: спявак і мультыінструменталіст Харысан Янг (ЗША/Нідэрланды), этна-джазавы дуэт Agata (Беларусь), VIP-jazz Андрэя Славінскага.17 чэрвеня сваю праграму прадставіць бас-гітарыст Крысціан Галвэз (Чылі), пераможца прэміі Altazor як лепшы джазавы выканаўца Лацінскай Амерыкі ў 2000 і 2004 гадах, а таксама намінант American Music Awards 2005, які выступіць з трубачом Крысціанам Куцюруфо (Чылі) і бубначом Назарам Рэджэпавым (Туркменістан). Таксама гледачоў чакае сустрэча з канцэртным аркестрам Барыса Мягкова (Беларусь) і "Трыа Канстанціна Гарачага" (Беларусь).24 чэрвеня музычную эстафету падхопіць Кліўленд Джонс (ЗША) — спявак, кампазітар, які выконвае сімбіёз госпелу, рытм-энд-блюзу, фанку і традыцыйнага джазу, уладальнік бязмежных вакальных магчымасцяў і тытулу "Адкрыццё году" ад аўтарытэтнага сайта SoulTracks.com. Таксама выступяць: кампазітар, гітарыст, лютніст і спявак Набіль Хэмір (Туніс), вакальны квартэт Minsk Voices (Беларусь), Premier Orchestra (Беларусь).Стартаваўшы ў 2013 годзе, "Джазавыя вечары" хутка сталі адным з улюбёных мерапрыемстваў мінчукоў. Удзел лепшых музыкаў з розных краін і асаблівая атмасфера летняга горада забяспечылі кожнаму выступу шматтысячны аншлаг. Менавіта "Джазавыя вечары" падарылі Мінску фармат штотыднёвых канцэртаў на вольным паветры ў цэнтры сталіцы.Пачатак мерапрыемстваў а 20-й гадзіне, уваход вольны.

верхні горад

2017

Навіны

ru_BY

у беларусі, навіны , афiша , "джазавыя вечары" ля ратушы, летнія фестывалі беларусі-2017, верхні горад, стыль жыцця і адпачынак, музычныя жанры