МІНСК, 26 мая — Sputnik. Дачка прэзідэнта ЗША Іванка Трамп прыняла фатаграфію былога форварда італьянскага футбольнага клуба "Лацыё" Джорджа Кінальі за выяву святога, паведамляе партал FourFourTwo.
Кур'ёзны выпадак адбыўся ў Рыме падчас наведвання дачкой амерыканскага прэзідэнта рэстарана "Кафэ святога Ігната". Адна з карцін на сцяне ўстановы прыцягнула ўвагу 35-гадовай Іванкі, і яна спытала ўладальніка, што за святы паказаны на фатаграфіі.
Ivanka Trump thought Lazio legend Giorgio Chinaglia was a Christian Saint https://t.co/QojxOrmWPX pic.twitter.com/KUJu6yq8yv
— 101 Great Goals (@101greatgoals) 25 мая 2017 г.
"Гэта не святы, але вялікі чэмпіён "Лацыё", — растлумачыў рэстаратар.
Справа ў тым, што на здымку — выява Кінальі з распасцёртымі рукамі і вачыма, утаропленымі ў неба, — кадр, мяркуючы па ўсім, быў зроблены падчас аднаго з футбольных матчаў.
Кіналья выступаў за "Лацыё" з 1969 па 1976 гады. Ён правёў за рымскую каманду 263 матчы, у якіх забіў 140 галоў. Акрамя таго, форвард абараняў колеры нацыянальнай зборнай Італіі — у 14 паядынках ён вызначыўся чатыры разы. Пасля "Лацыё" Кіналья выступаў у Паўночнаамерыканскай футбольнай лізе за "Нью-Ёрк Космас". Італьянец правёў за гэтую каманду 254 242 матчы і забіў галы. Неверагодная выніковасць дазволіла Кіналье стаць лепшым бамбардзірам у гісторыі Паўночнаамерыканскай футбольнай лігі. У 2000 годзе быў уключаны ў Залу славы футбола ЗША, а таксама прызнаны найвялікшым гульцом у гісторыі "Лацыё". Пасля завяршэння спартыўнай кар'еры ён працаваў прэзідэнтам рымскага клуба.
