Кожны канцэрт Андрэя Сутугінаса — з'ява ўнікальная і ніколі не паўтараецца. Падчас сваіх выступленняў музыка імкнецца "настроіць" слухачоў, інструменты і музыкаў на адзін лад. Як пройдзе чарговы канцэрт, ніхто, нават музыкі, ніколі не ведае напярэдадні.
Шумавыя інструменты ў канцэртах Сутугінаса — гонгі і чашы — пераўтвараюцца ў мелодыю, а класічныя інструменты толькі дапаўняюць іх гучанне. Такога кшталту канцэрты носяць і тэрапеўтычны характар.
Падчас канцэрту "Сімфонія Х" у Мінску, музыка абраў для суправадждэння віяланчэлі, хэнг-драм і беларускія цымбалы.
Глядзіце на відэа, што адбывалася на мінскім канцэрце Андрэя Сутугінаса.
