МІНСК, 29 мая — Sputnik. Сіноптыкі прагназуюць на гэтым тыдні няўстойлівае надвор'е, напрыканцы мая будзе цёпла, але лета пачнецца з пахаладання, паведамілі ў Гідрамеце.
"Летняя спякота пакуль адкладаецца. На гэтым тыдні чакаецца няўстойлівае надвор'е: чэрвень пачнецца з пахаладання, май скончыцца цёплым, але з навальнічнымі дажджамі надвор'ем", — паведаміў Sputnik у панядзелак начальнік службы гідраметэапрагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
Пра вясну
З яго слоў, 30 мая, у аўторак, надвор'е на тэрыторыі Беларусі ў асноўным будзе вызначаць вобласць павышанага атмасфернага ціску, па паўднёва-ўсходняй палове пройдуць кароткачасовыя дажджы, у асобных раёнах навальніцы.
Тэмпература ўначы будзе складаць +10..+15°C, днём +20..+26°C, па паўночных раёнах ноччу +7..+9°C, удзень +17..+19°C, удакладніў сіноптык.
У апошні дзень вясны, 31 мая, чакаецца чарговы атмасферны фронт, які прынясе кароткачасовыя дажджы, а ў асобныя раёны навальніцы. Днём па паўночным захадзе рэспублікі прагназуецца ўзмацненне ветру парывамі да 15-18 метраў за секунду, распавёў Рабаў.
"Тэмпература ноччу ад +8°C па паўночным усходзе да +17°C па захадзе краіны, а днём +20..+27°C, па паўднёвым усходзе да +29°C", — сказаў Рабаў.
Пра лета
Сіноптык таксама распавёў, што лета ў 2017 годзе пачнецца з пахаладання — прыйдзе халоднае паветра з поўначы Еўропы.
са слоў Рабава, у першы дзень чэрвеня па большай частцы тэрыторыі рэспублікі прагназуюцца кароткачасовыя дажджы, ноччу будзе +9..+15°C, удзень — не больш за +13..+20°C, на паўднёвым усходзе на пару градусаў цяплей.
У пятніцу, 2 чэрвеня, па паўночным усходзе краіны чакаюцца кароткачасовыя дажджы, ноччу будзе +3..+10°C, днём +12..+19°C, сказаў Рабаў.
Пра замаразкі на пачатку лета
Са слоў сіноптыка, у выхадныя дні з ростам атмасфернага ціску дажджы на большай частцы спыняцца, але халаднаватае надвор'е захаваецца.
У суботу ўначы будзе +2..+9°C, днём +12..+19°C, па паўднёвым захадзе да +22°C, удакладніў Рабаў.
Па яго словах, у нядзелю тэмпература ноччу чакаецца +2..+9°С, у нізкіх месцах і на тарфяніках магчымыя слабыя замаразкі ад 0 да —2°C, але днём будзе +15..+22°C, па паўднёвым захадзе да +25°C.
