МІНСК, 31 мая — Sputnik. Беларуская федэрацыя футбола пры падтрымцы Міністэрства адукацыі Рэспублікі Беларусь правяла акцыю "Падары дзіцяці футбольны мяч", распавялі Sputnik у Асацыяцыі "Беларуская федэрацыя футбола" (АБФФ).
Напярэдадні летніх вакацый у межах акцыі, праведзенай на ўрачыстых лінейках 30 мая 2017 года, першакласнікам усіх сельскіх школ і аграгарадкоў Рэспублікі Беларусь былі ўручаны футбольныя мячы.
![Акцыя ладзіцца ў шосты раз, усяго за час яе правядзення было падаравана больш за 120 тысяч мячоў Акцыя ладзіцца ў шосты раз, усяго за час яе правядзення было падаравана больш за 120 тысяч мячоў - Sputnik Беларусь](https://cdnn11.img.sputnik.by/img/102906/33/1029063321_0:0:1500:1000_600x0_80_0_0_699c9e307805492f94be62eb29f15835.jpg)
Цырымонія ўручэння футбольных мячоў адбылася ў Бараўлянскай гімназіі (п. Лясны, Мінскі раён). Падарункі першакласнікам уручылі намеснік старшыні Асацыяцыі "Беларуская федэрацыя футбола" Сяргей Сафар'ян і начальнік упраўлення ідэалагічнай працы Міністэрства адукацыі Рэспублікі Беларусь Марына Саротнік.
![Сяргей Сафар'ян уручае падарункі ад АБФФ першакласнікам Сяргей Сафар'ян уручае падарункі ад АБФФ першакласнікам - Sputnik Беларусь](https://cdnn11.img.sputnik.by/img/102906/31/1029063149_0:0:1500:1000_600x0_80_0_0_19a3c50228c06c73236f611af2f95041.jpg)
"Развіццё масавага і дзіцяча-юнацкага футбола з'яўляецца адным з прыярытэтных напрамкаў дзейнасці Беларускай федэрацыі футбола. Мы ўдзячныя Міністэрству адукацыі за садзейнічанне ў правядзенні акцыі "Падары дзіцяці мяч". Дзякуючы сумесным намаганням яна стала традыцыйнай і праходзіць ужо шосты год запар", — распавёў Сафар'ян.
![Акцыя Падары дзіцяці футбольны мяч Акцыя Падары дзіцяці футбольны мяч - Sputnik Беларусь](https://cdnn11.img.sputnik.by/img/102906/29/1029062984_0:0:1500:1000_600x0_80_0_0_fb20e0ef82659d6134f64a94e88b02d9.jpg)
"Віншую першакласнікаў з заканчэннем іх першага навучальнага года. Спадзяюся, яны добра правядуць канікулы. Магчыма, атрымаўшы ў падарунак мячы сёння, яны зацікавяцца футболам", — павіншаваў школьнікаў Сафар'ян.
Падчас акцыі арганізатары і прадстаўнікі мясцовых органаў улады ўручылі падарункі першакласнікам з дзвюх тысяч сельскіх школ усіх раёнаў краіны. Гэтае мерапрыемства ўжо стала добрай традыцыяй — шосты год запар напярэдадні летніх вакацыяў першакласнікі ў сельскіх школах і аграгарадках атрымліваюць футбольныя мячы. Усяго за час правядзення акцыі было ўручана 120 тысяч мячоў.