МІНСК, 31 мая — Sputnik. Беларусь з'яўляецца сусветным лідэрам па колькасці жывучых у лясах зуброў, паведаміла ў сераду прэс-служба Міністэрства прыродных рэсурсаў і аховы навакольнага асяроддзя.
Паводле інфармацыі ведамства, за 22 гады рэалізацыі спецыяльнай дзяржпраграмы па захаванні папуляцыі гэтых жывёл колькасць зуброў павялічылася да 1574 асобін.
"Беларусь з'яўляецца першай у свеце краінай па колькасці вольнажывучых зуброў, пры гэтым доля пагалоўя віда складае больш за 25% ад сусветнай колькасці", — сказалі ў Мінпрыроды.
У той жа час у міністэрстве адзначаюць, што ёсць некаторыя праблемы, якія звязаны з уплывам статкаў зуброў на экасістэмы і ландшафты.
Для вырашэння гэтых пытанняў, а таксама фарміравання аптымальнага арэала на аснове ўжо існуючых будзе створана рабочая група, у якую ўвойдуць зацікаўленыя асобы з навуковых арганізацый і юрыдычных асоб. Яна падрыхтуе прапановы для ўдасканалення метадаў захавання папуляцыі зубра ў Беларусі.
