МІНСК, 2 чэр — Sputnik. Міністэрства аховы здароўя Беларусі мае намер зрабіць больш жорсткім пералік лекавых сродкаў, што рэалізуюцца ў аптэках без рэцэпту лекара, праект адпаведнага рашэння вынесены на грамадскае абмеркаванне.
Апошняя рэдакцыя пераліку лекаў, якія можна набыць без рэцэпту лекара, была прынятая яшчэ ў 2012-м і з таго часу не перажывала змен. Аднак у чэрвені 2017-га Міністэрства аховы здароўя прапанавала унесці змены ў гэты пералік.
Вынесены на грамадскае абмеркаванне дакумент змяшчае пералік лекаў на 46 старонках. Якія менавіта прэпараты будуць выкраслены з безрэцэптурнага спіса, у Міністэрстве аховы здароўя пакуль не ўдакладняюць. Sputnik супаставіў праект пераліку з дзеючым і высветліў, якія прэпараты будуць адпускаць па рэцэпце.
З пераліку безрэцэптурных прэпаратаў зніклі некаторыя анцігістамінные прэпараты, антыбіётыкі, наатропы (у прыватнасці, папулярны ў студэнтаў у сесію фенібут), а таксама фезам і шэраг іншых лекавых сродкаў. Няма ў спісе і арбідолу — сродка, якое выкарыстоўваецца пры прастудных захворваннях і грыпе.
Грамадскае абмеркаванне новага лекавага пераліку працягнуцца да 16 чэрвеня, а заўвагі можна дасылаць на электронны адрас lekarstva@belcmt.by. Поўны тэкст праекта дакумента даступны на сайце Мінздрава.
