Намеснік старшыні Банка Расіі Сяргей Шаўцоў нядаўна распавёў, што пятнiца можа стаць дадатковым выхадным днём у Расіі. Ён адзначыў, што з прычыны росту прадукцыйнасці працы і ўсё большага ўкаранення робатаў пытанне аб трэцім выхадным будзе актуальным на працягу бліжэйшых 15 гадоў.
Sputnik вырашыў высветліць у мінчанаў, што б яны рабілі ў трэці выхадны на тыдні, калі б яго ўвялі ў Беларусі.
Хтосьці запэўнівае, што ў Мінску ёсць чым заняцца ў вольны час, нехта патрабуе пабольш выставаў, каб можна было прысвяціць выхадныя мастацтву. А некаторыя кажуць, што ўсе выхадныя лічаць за лепшае аддаць рабоце, каб адпачываць на вакацыях.
