МІНСК, 5 чэр — Sputnik. Увесь хрысціянскі свет 5 чэрвеня святкуе Дзень памяці прападобнай Еўфрасінні Полацкай. У гэтым годзе мерапрыемствы будуць праводзіцца па двух напрамках — адлюстраванне духоўнай і асветніцкай дзейнасці святой Еўфрасінні, паведамілі Sputnik у Полацкім гарвыканкаме.
Частка святочных мерапрыемстваў прайшла напярэдадні. Дзень памяці святой пачаўся з набажэнстваў у храмах Полацка, а потым хросны ход да Спаса-Ефрасіньеўскага манастыра аб'яднае тысячы вернікаў.
Каля помніка Еўфрасінні Полацкай будзе рэалізаваны святочны праект "Садружнасць творчых ідэй "Імя святой Еўфрасінні праз стагоддзі нясем", таксама выкладчыкі і школьнікі ўстаноў адукацыі Полацка прадставяць праект "Рапсодыя мастацтва "Еўфрасіння — дачка зямлі Полацкай", у канцэртнай зале Сафійскага сабора адбудзецца тэматычны канцэрт.
У музеях Нацыянальнага Полацкага гісторыка-культурнага музея-запаведніка адбудзецца шэраг мерапрыемстваў. Упершыню пройдзе прэзентацыя актавай пячаткі прападобнай Еўфрасінні Полацкай у Музеі беларускага кнігадрукавання. Таксама падрыхтавана стацыянарная выстава ў Мастацкай галерэі "Сценапіс XII — XIX стагоддзяў Спаса-Праабражэнскага храма", на якой наведвальнікі горада змогуць упершыню ўбачыць новыя ўнікальныя фрагменты жывапісу, знятыя са сцен Спаса-Праабражэнскага храма і іншае.
