Маскоўская ВДНГ, якая перажыла не самыя лепшыя постсавецкія часы і пераўтвораная ці то ў рынак, ці то ў забаўляльны парк, зноў прыцягвае наведвальнікаў сваёй гісторыяй, савецкай манументальнасцю і размахам. Нягледзячы на пануючае тут запусценне, бясконцы рамонт і рэканструкцыю, мінакам падабаецца фатаграфавацца на фоне шаснаццаці статуй фантана "Дружба народаў" ці нацыянальных павільёнаў былых савецкіх рэспублік, яшчэ захаваўшых сваю першародную архітэктуру і дэкор.
Цікава, што многія прыязджаюць спецыяльна сфатаграфавацца каля павільёна "Рэспубліка Беларусь" пасля таго, як на каланадзе былі адноўлены нацыянальныя арнаменты і маёліка.
Калі выстава адчынялася ў 1937 годзе, павільён Беларускай ССР быў драўляным будынкам, які нагадваў сялянскі дом. Пазней яго знеслі, а ў 1949 годзе для рэспублікі пачалі будаваць манументальны будынак з каланадай у два рады. Будаўніцтва было скончана ў 1954 годзе.
Адноўленыя калоны сёння выглядаюць гэтак жа, як пры пабудове: яны ўвянчаныя разьбянымі гірляндамі, якія імітуюць вышытыя ручнікі.
Вянчае павільён пакрытая золатам вежа-скульптура "Радзіма-маці" — жанчына з вянком на галаве, якая ў руках трымае сноп.
Над галоўным уваходам красуецца скульптурная група "Працаўнікі Беларусі". Арыгінальныя скульптуры былі ўзняты на фасадзе ў 1954 годзе. Гэта пяць фігур: "Даярка", "Аграном", "Калгасніца", "Паляўнічы" і "Механізатар", кожная вышынёй два метры. Арыгіналы скульптур разбурыліся, у выніку беларускія ўлады прынялі рашэнне замяніць іх копіямі, выкананымі з матэрыялаў, якія ўстойлівыя да непагадзі.
Пасля рашэння зрабіць павільёны ВДНГ галіновымі, тут ў 1963 годзе знаходзілася экспазіцыя "Электратэхніка", калоны зашылі металічнымі панэлямі, а скульптурныя групы па баках прыбралі і яны зніклі, вокны другога святла зачынілі шклотканінай, мазаічныя падлогі зачынілі мармуровай пліткай.
У 1990-х павільён працаваў як гандлёвы цэнтр, выставачным павільёнам ён стаў у 2008 годзе.
