МІНСК, 8 чэр — Sputnik. Беларускія карыстальнікі сацыяльных сетак абмяркоўваюць неадназначны рэкламны слоган распродажаў сеткі універсальных крамаў "Белмаркет".
У шэрагу крам сеткі былі размешчаны плакаты аб зніжках у чацвер на курыныя яйкі, якія суправаджаліся надпісам "Кожны чацвер удар! Па яйках".
На думку карыстальнікаў, такая рэклама з'яўляецца не столькі прывабнай для пакупнікоў, колькі неэтычнай. Акрамя таго, беларусы смяюцца, што па чацвяргах адпраўляць у гандлёвыя аб'екты "Белмаркета" трэба жанчын, бо мужчынам варта хвалявацца за сваё здароўе.
Пацаны, сторонитесь Белмаркета сегодня pic.twitter.com/xMznL9gdAz
— Ден Полиэтилен (@vasilkov) 8 июня 2017 г.
Да таго ж слоган ужо выкарыстоўваўся "Белмаркетам" пры правядзенні падобных распродажаў: на яго зімой і вясной бягучага года ўжо звярталі ўвагу рэкламныя рэсурсы з-за надпісу "Мы зноў б'ем па яйках".
Раней аб'ектамі крытыкі ў сацсетках станавіліся прадукты і іх прасоўванне кампаніі АВС — маянэз і хрэн.
