Сібірачку з зайздроснай шавялюрай завуць Ніна Бычкова, ёй 12 гадоў. Амбіцыйнай дзяўчынцы недастаткова рэкорду Расіі, яна спадзяецца і пабіць рэкорд Гінеса ў катэгорыі самых доўгіх валасоў у маладых людзей да 18 гадоў.
Доўгія валасы школьніцы ніколі не застаюцца незаўважанымі. Мінакі часта аглядаюцца, а тыя, хто смялейшы, могуць нават пацікавіцца, як ёй удалося адгадаваць такую даўжыню.
У той жа час некаторыя сумняваюцца, што дзяўчыне зручна хадзіць з такой прычоскай. Бо валасы такой даўжыні цяжка мыць і ўкладваць. Але галоўнае, што самой уладальніцы рэкорднай касы ўсё падабаецца.
