МІНСК, 13 чэр — Sputnik. Халаднаватае з дажджамі і моцным ветрам надвор'е чакаецца на Беларусі ў аўторак, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Напярэдадні сіноптыкі абвясцілі на 13 чэрвеня аранжавы ўзровень небяспекі з-за шквалістага ветру.
"Будзе воблачна з праясненнямі, на большай частцы тэрыторыі краіны пройдуць кароткачасовыя дажджы, у асобных раёнах Беларусі — з навальніцамі", — сказалі ў Гідрамеце.
Там таксама паведамілі, што вецер будзе заходняга напрамкі хуткасцю 5-10 м/с, пры гэтым чакаюцца парывы да 15-20 м/с.
Па інфармацыі суразмоўцаў Sputnik, максімальная тэмпература паветра днём складзе ад +15 да +21°C. У Мінску таксама чакаецца воблачна з праясненнямі, пройдзе кароткачасовы дождж, не выключана, што з навальніцай. Тэмпература паветра днём у беларускай сталіцы — ад +16 да +18°C.
