МІНСК, 13 чэр — Sputnik. Прэзідэнт Беларусі Аляксандр Лукашэнка заявіў аб неабходнасці пашыраць сферу дзейнасці расійскага Ашчадбанка ў рэспубліцы, паведаміла ў аўторак прэс-служба кіраўніка дзяржавы.
У аўторак, 13 чэрвеня Лукашэнка сустрэўся са старшынёй праўлення Ашчаднага банка Германам Грэфам. Раней саўладальнік "Уралкалія" Дзмітрый Мазепін паведаміў, што ў яго запланаваныя на гэты дзень перамовы з беларускім лідарам, у якіх прыме ўдзел і Грэф. У той жа час аб прысутнасці на сустрэчы расійскага бізнэсмэна прэс-служба кіраўніка дзяржавы не паведамляе.
"Думаю, што поле дзейнасці (Ашчаднага банка ў Беларусі — Sputnik) трэба пашыраць, і мы паволі будзем гэта рабіць", — сказаў Лукашэнка Грэфу ў ходзе сустрэчы.
Ён таксама адзначыў, што гатовы абмяркоўваць любыя праблемы, якія ёсць цяпер у Ашчаднага банка ў Беларусі.
Са свайго боку Грэф адзначыў, што Ашчадны банк — вельмі буйны гулец на рынку рэспублікі, з 2014 года, нягледзячы на складаную эканамічную сітуацыю, партфель крэдытаў яго быў павялічаны.
Цяпер сітуацыя, па словах старшыні праўлення, больш стабільная, і 2017 год мяркуецца скончыць значна лепш, чым 2015-га і 2016-ы, а з наступнага года неабходна выходзіць на ўстойлівы прыбытак.
Як раней паведамлялася, Мазепін разам з кіраўніком Ашчаднага банка Грэфам разлічвалі правесці з Лукашэнкам перамовы і прапанаваць беларускаму боку новыя варыянты стварэння калійнага альянсу.
