БРЭСТ, 20 чэр — Sputnik. Асноўныя мерапрыемствы, прысвечаныя 76-й гадавіне пачатку Вялікай Айчыннай вайны, пройдуць ноччу 22 чэрвеня ў Брэсцкай крэпасці — Sputnik публікуе праграму падзей да Дня памяці.
Ужо ў сераду 21 чэрвеня з 14:30 на пляцоўцы ля кафэ "Цытадэль" у Брэсцкай крэпасці разгорнецца намётавы лагер даваеннай крэпасці. Скончыць сваю працу ён раніцай наступнага дня — у 04:30.
У 17:00 ад вуліцы Зубачова стартуе марш рэканструктараў, які накіруецца да вуліцы Савецкай праз Гогаля.
Традыцыйна ў гэты дзень установы на пешаходнай вуліцы ўпрыгожваюць свае тэрасы рэчамі перадваеннага часу.
З 18:00 пачнецца праца двух пляцовак на Савецкай. Ля будынка гарадской тэлефоннай сеткі ваенныя мелодыі будзе граць гарадскі духавы аркестр. На музычнай пляцоўцы пройдзе музычна-паэтычная праграма.
А выставачная зала пакажа побыт перадваеннага Брэста, а таксама фотадакументальную выставу аб Перамозе.
Непасрэдна 22 чэрвеня з 2 гадзін ночы ад "Зоркі" да Плошчы Цырыманіялаў Брэсцкай крэпасці расцягнецца "Дарога памяці".
У 03:30 ночы пачнецца мітынг-рэквіем, прысвечаны Дню ўсенароднай памяці ахвяр Вялікай Айчыннай вайны. А ў 5 раніцы на тэрыторыі Кобрынскага ўмацавання пройдзе ваенна-гістарычная рэканструкцыя "22 чэрвеня. Брэсцкая крэпасць".
