МІНСК, 22 чэр — Sputnik. Абітурыенты, што здавалі цэнтралізаванае тэставанне (ЦТ) па беларускай мове чакаюць у гэты чацвер вынікі іспытаў.
Цэнтралізаванае тэставанне па беларускай мове здавалі крыху больш за 27 тысяч абітурыентаў па ўсёй Беларусі 12 чэрвеня. Праз дзесяць дзён усе яны чакаюць свае балы за ЦТ па прадмеце.
Вынікі ЦТ па беларускай мове могуць прыйсці ўжо 22 чэрвеня — ва ўсякім выпадку, у папярэднія гады балы былі менавіта праз дзесяць дзён. У той жа час, РІКВ не дае інфармацыю аб тым, калі з'явяцца вынікі, таму ўсе дадзеныя аб магчымых датах грунтуюцца на здагадках.
Вроде как сегодня уже бел яз будет известен, а русский послезавтра
— юля 🌸 цт 2/4 (@xoxoesenya) 22 июня 2017 г.
Вначале снился жуткий сон про результаты цт, другую часть ночи все было клево)
— Fallen cat. (@KPolina15) 22 июня 2017 г.
Як мяркуецца, ужо ў суботу 24 чэрвеня абітурыенты атрымаюць вынікі ЦТ і па рускай мове.
Першымі свае балы за ЦТ атрымліваюць тыя абітурыенты, якія падпісаліся на смс-рассылку ад РІКВ. Да вечара вынікі з'яўляюцца на афіцыйным сайце інстытута.
