МІНСК, 22 чэр — Sputnik. На вуліцы Камсамольскай у Мінску 24 чэрвеня пройдзе рэканструкцыя парада партызанаў, паведамілі Sputnik у прэс-службе Мінгарвыканкама.
"Цэнтральнай падзеяй стане рэканструкцыя партызанскага параду, які прайшоў 16 ліпеня 1944-га на поле былога іпадрома ў Мінску з нагоды вызвалення сталіцы ад нямецкай акупацыі. У рэканструкцыі шэсця партызанскіх атрадаў прымуць удзел паўтысячы юнакоў, конныя вершнікі", — распавялі ў Мінгарвыканкаме.
Наведвальнікаў мерапрыемства чакае разнапланавая праграма: квэсты, майстар-класы, палявая кухня, тэматычныя фотазоны, канцэрт. Фінальнай кропкай праекта стане сімвалічная акцыя "Мы выбіраем МІР!", падчас якой моладзь выпусціць у неба 73 белых паветраных шара, якія сімвалізуюць падзяку за 73 мірных года Беларусі.
Мерапрыемствы пройдуць з 12:00 да 21:00 на вул. Камсамольскай (ад вул. Кірава да пр. Незалежнасці).
