МІНСК, 23 чэр — Sputnik. Жыхары Мінска і супрацоўнікі МНС больш за восем гадзін у чацвер спрабавалі зняць кацяня з дрэва ў цэнтры Мінска, перадае карэспандэнт Sputnik.
Кацяня залезла на елку каля рэстарана "Журавінка" на вуліцы Янкі Купалы ў чацвер каля поўдня.
Як перадае карэспандэнт Sputnik, спачатку да яго выратавання прынялі меры мясцовыя жыхары: малады чалавек палез на елку, але сарваўся з дрэва — яго з месца здарэння забрала машына хуткай медыцынскай дапамогі.
Пасля гэтага мінчукі выклікалі супрацоўнікаў Мінскага гарадскога МНС, аднак ратавальнікі таксама не змаглі зняць жывёлу: раскладная лесвіца была занадта кароткай, а напалоханае кацяня паднялося на самую верхавіну елкі.
Як паведамляе карэспандэнт Sputnik, мінчукі праявілі вынаходлівасць пры ратаванні жывёлы — у бліжэйшай аптэцы яны набылі некалькі флаконаў настойкі валяр'яны і разлілі пад елкай у надзеі, што кацяня спусціцца само, аднак яно праігнаравала прынаду.
