МІНСК, 29 чэр — Sputnik. Экс-саліст гурта "Иванушки International" Алег Якаўлеў памёр у Маскве. Пра гэта паведаміла ў чацвер яго грамадзянская жонка Аляксандра Куцэвол.
Напярэдадні ў СМІ з'явіліся паведамленні аб тым, што Якаўлеў шпіталізаваны ў адну з маскоўскіх лякарняў у цяжкім стане — у яго дыягнаставалі двухбаковае запаленне лёгкіх. Яшчэ ў сярэдзіне чэрвеня артыст адчуваў сябе добра і актыўна гастраляваў.
Па адукацыі Алег быў акцёрам, ён скончыў дзяржаўны інстытут тэатральнага мастацтва, дзе вучыўся ў майстэрні Людмілы Касаткінай. У 1997 годзе зняўся ў відэакліпе на песню "Кукла" разам з удзельнікамі групы "Иванушки International". З сакавіка 1998 года стаў паўнапраўным салістам гурта.
Месца саліста "Иванушек" Якаўлеў заняў неўзабаве пасля сыходу Ігара Сорына, які праз некалькі гадоў скончыў жыццё самагубствам.
Якаўлеў выканаў кампазіцыю "Тополиный пух", пасля якой прыхільнікі "Иванушек" прынялі яго як паўнапраўнага саліста калектыву.
У 1999 годзе выйшаў альбом гурта "Об этом я буду кричать всю ночь", у запісу якога прымаў удзел Алег Якаўлеў у якасці паўнапраўнага саліста. Наступным альбомам гурта стаў дыск "Подожди меня" (2000), за ім рушыў услед "Олег, Андрей, Кирилл", які выйшаў у 2002 годзе. У яго ўвайшлі такія хіты гурта, як "Золотые облака", "Безнадега.ру", "Капелька света". Наступны альбом гурта "10 лет во Вселенной" выйшаў у 2005 годзе.
Прадзюсарскі цэнтр Ігара Мацвіенка акажа садзейнічанне ў арганізацыі развітання і пахавання артыста. Па жаданні Алега Якаўлева яго цела крэмуюць.
