У музеі перавозчыка знаходзяцца 12 рарытэтных аўтобусаў, у Мінск кампанія прывезла чатыры: "ЗІС-127", "Ікарус-55", "Ікарус Люкс", "Ікарус-255". Глядзіце на відэа, як старыя "Ікарусы" праехалі па Мінску.
"Самы стары аўтобус — 1938 года выпуску, мы знайшлі яго ў Фінляндыі і рэстаўравалі 10 гадоў. Усе дэталі — у дакладнасці такія ж, як і былі пры выпуску машыны", — распавёў Хуга Осула, заснавальнік кампаніі "Люкс Экспрэс".
1 ліпеня аўтобусы будуць выстаўлены на тэрыторыі Верхняга горада. Дзверы ў іх будуць адкрыты, гараджане змогуць увайсці і паглядзець на старыя машыны знутры.
