https://bel.sputnik.by/20170702/dzen-vyshyvanki-mova-geta-dusha-naroda-a-addzenne-yago-tvar-1029572090.html

Дзень вышыванкі: мова ― гэта душа народа, а адзенне — яго твар

Дзень вышыванкі: мова ― гэта душа народа, а адзенне — яго твар

Sputnik Беларусь

У святочны дзень этнограф, дыпламант міжнародных конкурсаў Ларыса Мятлеўская распавяла радыё Sputnik Беларусь пра гісторыю ўзнікнення і значэнне сімвалаў... 02.07.2017, Sputnik Беларусь

2017-07-02T10:03+0300

2017-07-02T10:03+0300

2017-07-03T14:17+0300

спадчына

радыё

грамадства

культура

беларусь

ларыса мятлеўская

дзень вышыванкі

нацыянальны арнамент

вышыванка

беларуская вышыванка - сімвал і ўпрагажэнне

https://cdnn11.img.sputnik.by/img/102378/06/1023780668_0:177:4595:2776_1920x0_80_0_0_40410249d4c10fcc8c62a0c05646b226.jpg

Усе, што тычыцца нашай традыцыйнай культуры, вартае пільнай увагі і даследванняў. Хтосьці з разумных людзей неяк казаў, што мова — гэта душа народа, а адзенне — яго твар, адзначыла суразмоўца Sputnik."Мне падабаецца, што моладзь апранае рэчы з элементамі традыцыйнага арнамента. Няхай гэта будзе майка, нейкі прынт, але як пачатак гэтай пераемнасці пакаленняў у традыцыйнай культуры — гэта не так ужо і дрэнна. Мяняецца жыццё, цікавасць да сваіх каранёў, велізарнага багацця, якім мы валодаем у плане традыцыйнай культуры, у плане вышыванкі, гэта можа пачынацца з вышымайкі і прыцягнуць увагу да вельмі сур'ёзных рэчаў", — упэўнена Мятлеўская. Этнограф таксама распавяла пра значэнні асобных сімвалаў і іх правільнае размяшчэнне на аддзенні, каб кожны з іх быў накіраваны на здароўе чалавека."Знакі гэтыя не абы што, яны з'явіліся калісьці на белым адзенні як абярэгі, іх можна чытаць як пісьмо. Яны для гэтага наносіліся на пэўныя часткі адзення. І гэта былі не проста нейкія кветачкі ці закаручкі. Геаметрычны арнамент — ён больш старажытны, і ўсё гэта былі просьбы гаспадыні, той жанчыны, якая вышывала. Рукі павінны быць моцнымі, вакол шыі арнамент — гэта каб ніякая хвароба не забралася. Нават патаемнае шво "козлік" таксама было абярэгам", — адзначыла Мятлеўская.Акрамя таго, суразмоўца распавяла, што азначаюць такія сімвалы, як сонца, зямля, прырода і дрэвы, у якіх выпадках выкарыстоўваюцца, а таксама як адлюстроўваюцца ў вышыўцы чалавечыя зносіны."Пусты ромб — гэта жаночы пачатак, калі ў сярэдзіне крыж, то гэта мужчынскі пачатак. І знак агню. Тады агульна атрымоўваецца знак урадлівасці. І вось так нараджаецца новае жыццё", — паведаміла Мятлеўская.Дзень вышыванкі адзначаюць у Беларусі 2 ліпеня, напярэдадні святкавання галоўнага дзяржаўнага свята — Дня Незалежнасці краіны.Гутарку з этнографам Ларысай Мятлеўскай пра гісторыю ўзнікнення і значэнні сімвалаў беларускай вышыванкі слухайце на радыё Sputnik Беларусь.     

https://bel.sputnik.by/20170701/vyalikiya-vyhadnyja-shto-navedac-1-3-lipenya-1029564433.html

https://bel.sputnik.by/20170625/dyplamatychna-i-prygozha-pasly-peraapranulisya-u-vyshyvanki-1029467651.html

беларусь

2017

Навіны

ru_BY

спадчына, грамадства, культура, беларусь, ларыса мятлеўская, дзень вышыванкі, нацыянальны арнамент, вышыванка, беларуская вышыванка - сімвал і ўпрагажэнне