МІНСК, 4 ліп — Sputnik. Мультфільм "Брыдкі я 3" узначаліў беларускі кінапракат па выніках мінулага тыдня, паведамілі Sputnik у сталічным УП "Кінавідэапракат".
Мультфільм "Брыдкі я 3" — працяг аднайменнай серыі анімацыйных фільмаў і карціны "Мін'ёны" — выйшаў у пракат на постсавецкай прасторы ў мінулы чацвер і адразу ўзначаліў рэйтынг як у Беларусі, так і ў Расіі і іншых краінах.
Толькі ў дзяржаўных кінатэатрах Мінска анімацыя "Брыдкі я 3" сабрала больш за 157 тысяч рублёў і ў цэлым атрымала станоўчыя водгукі гледачоў і кінакрытыкаў.
Другое месца па зборах у Мінску займаюць "Трансформеры" і менш за 61 тысячы рублёў, трэцяе — "Тачкі 3" і 20,6 тысячы рублёў.
Замыкаюць спіс лідэраў беларускага пракату "Піраты Карыбскага мора" і новая "Мумія" з Томам Крузам.
У сусветным пракаце таксама лідэрам стаў "Брыдкі я 3", які ўжо зарабіў каля 180 мільёнаў долараў. Па-ранейшаму паспяховыя ў пракаце "Цуд-жанчына" і "Трансформеры", а "Піраты Карыбскага мора" пазбавіліся месцы ў рэйтынгах у большасці краін.
