МІНСК, 5 ліп — Sputnik. Сіноптыкі прагназуюць навальніцы і парывісты вецер у Беларусі ў чацвер, 6 ліпеня, паведамілі Sputnik у рэспубліканскім Гідраметцэнтры.
Халаднаватае надвор'е ўсталявалася на Беларусі ў першую дэкаду ліпеня. Сіноптыкі абяцаюць пацяпленне да канца дэкады, а на бліжэйшыя дні прагноз надвор'я не самы спрыяльны.
Так, паводле дадзеных сіноптыкаў, 6 ліпеня ў Беларусі будзе воблачна з праясненнямі, у асобных раёнах пройдуць кароткачасовыя дажджы і месцамі — навальніцы.
Тэмпература паветра ўначы складзе +6..+12°C, днём +17..+22°C. У Мінску ў чацвер будзе да 19 градусаў цяпла, без ападкаў.
