МІНСК, 5 ліп — Sputnik. У Брэсцкім абласным краязнаўчым музеі адбылося адкрыццё выставы "Беларуская Прага", падрыхтаванай пры ўдзеле чэшскай дыпмісіі, паведамілі ў музее.
На выставе прадстаўлены каля 40 фотаздымкаў беларускай фотамастачкі Юліі Мацкевіч, вядомай серыяй выстаў "Еўрапейскія гарады вачыма беларускага фатографа".
"Выстава прымеркавана да 500-годдзя выдання Францыскам Скарынам у Празе першай беларускай кнігі "Псалтыр". Беларускаму першадрукару на выставе прысвечана цэлая серыя работ", — распавялі ў музеі.
Акрамя таго, у Празе ёсць больш за 20 гістарычных месцаў, звязаных з падзеямі, якiя аб'ядналi беларусаў і чэхаў яшчэ з часоў Вялікага Княства Літоўскага.
Серыя фотаработ, створаных летам 2016 года, ушаноўвае памяць беларусаў, якія жылі на працягу стагоддзяў у Празе, а таксама паказвае прыгажосць чэшскай сталіцы.
Выстава будзе працаваць да 3 верасня 2017 года.
