МІНСК, 6 ліп — Sputnik. Instagram-блогеру ўдалося зрабіць на адкрыцці сесіі Парламенцкай асамблеі АБСЕ сэлфі з беларускім прэзідэнтам Аляксандрам Лукашэнкам, здымак быў апублікаваны ў Instagram напярэдадні.
Сесія праходзіць у гэтыя дні ў беларускай сталіцы, у ёй прымаюць удзел больш за 300 парламентарыяў. Завершыцца асамблея, якая пройдзе пад лозунгам "Умацаванне ўзаемнага даверу і супрацоўніцтва ў імя міру і росквіту ў рэгіёне АБСЕ", у нядзелю 9 ліпеня.
"Сэлфі з прэзідэнтам! Зачараваў і пакарыў усіх!" — напісала блогер з нікам vikki_by ў сваім акаунце ў Instagram.
Да сярэдзіны чацвярга фота ўжо сабрала больш за 580 лайкаў, карыстальнікі актыўна каментуюць запіс, аднак затым сэлфі было выдалена карыстальнікам, а сама блогер зрабіла свой профіль у Instagram закрытым.
