МІНСК, 6 ліп — Sputnik. Мемарыяльная грэка-каталіцкая капліца, збудаваная беларускай дыяспарай у Лондане, атрымала прэстыжную ўзнагароду New London Awards арганізацыі "Новая архітэктура Лондана" (NLA).
Капліцу ў памяць пра ахвяраў аварыі на Чарнобыльскай АЭС пабудавалі ў паўночным Лондане, яе ўзвядзенне было завершана ў канцы мінулага года. Храм выкананы цалкам з дрэва, яго аўтарам выступіў брытанскі архітэктар кітайскага паходжання Со Цзыюань.
Паводле інфармацыі NLA, беларуская капліца ў 2017 годзе стала лепшым новым будынкам у Лондане ў катэгорыі People's Choice.
У маі бягучага года храм ужо быў адзначаны ўзнагародай Каралеўскага інстытута архітэктараў (RIBA London Award 2017) — ён быў прызнаны адным з 50 самых прыгожых будынкаў Лондана.
