МІНСК, 12 ліп — Sputnik. Падача дакументаў у вышэйшыя навучальныя ўстановы Беларусі стартавала ў гэтую сераду, нагадалі Sputnik у Мінадукацыі рэспублікі.
Тэрміны падачы дакументаў у ВНУ адзіныя для ўсёй краіны: яны зацвярджаюцца беларускімі ўладамі.
Так, з 12 па 17 ліпеня ўключна дакументы прымаюць на бюджэтныя аддзяленні ўсіх вышэйшых навучальных устаноў. На платнае можна будзе падацца ў большасць устаноў да 4 жніўня.
Пры падачы дакументаў у ВНУ абітурыенту неабходна прадаставіць пасведчанне асобы, школьны атэстат, сертыфікаты аб праходжанні ЦТ, меддаведку і свае фатаграфіі. Падаваць дакументы можна толькі ў адну ВНУ, а ў выпадку неабходнасці ёсць магчымасць перанесці іх у іншую ўстанову.
Падаваць дакументы неабходна ў саміх універсітэтах і інстытутах. Працаваць прыёмныя камісіі будуць кожны дзень з дзевяці раніцы да шасці вечара.
У большасці універсітэтаў краіны за ходам падачы дакументаў можна сачыць анлайн на сайтах устаноў.
Залічаць на бюджэт у большасці ВНУ да 28 ліпеня, на платнае — да 6 жніўня. У выпадку дадатковых месцаў будзе аб'яўлены дадатковы набор па спецыяльнасцях.
