Гіганцкі айсберг адкалоўся ў Антарктыдзе праз пацяпленне акіяна

© Photo : European Space AgencyРасколіна на ледніке
Расколіна на ледніке - Sputnik Беларусь
Падпісацца
Айсберг А23А не ўяўляе пагрозы суднаходству, але пры гэтым можа раставаць дзясяткі гадоў.

МІНСК, 13 ліп — Sputnik. Прычынай адколвання ад ледніка Ларсен 3 айсберга-гіганта ў Антарктыдзе стала пацяпленне Паўднёвага акіяна, якое прывяло да падмывання шэльфавага ледніка ў дна, паведаміў кіраўнік кліматычнай праграмы Сусветнага фонду дзікай прыроды (WWF) Расіі Аляксей Какорын.

Частка ледніка Ларсен, самага вялікага з шэльфавых леднікоў Антарктыды, аддзялілася, утварыўшы найбуйнейшы за ўсю гісторыю назірання айсберг — ён атрымаў імя А23А, памеры айсберга складаюць 44 на 40 марскіх міль (5,8 тысячы квадратных кіламетраў).

"Айсберг адкалоўся ад шэльфавага ледніка. Яго падмыла цёплымі водамі з боку дна", — сказаў Какорын.

Як раней паведамілі спецыялісты, айсберг А23А не ўяўляе пагрозы суднаходству, але пры гэтым можа раставаць дзясяткі гадоў.

Акрамя таго, некаторыя даследчыкі не выключаюць, што ён можа раскалоцца на некалькі частак.

Узнікненне гіганцкай расколіны на ледніку Ларсен З было зафіксавана ў снежні 2016 года — яе даўжыня складала 112 кіламетраў, а шырыня — каля 100 метраў. Да ліпеня бягучага года даўжыня расколіны павялічылася да 200 кіламетраў.

Стужка навiн
0