МІНСК, 14 ліп — Sputnik. У Аршанскім раёне злавілі крата-альбіноса. Зразумеўшы, наколькі гэта рэдкая істота, крата не сталі аддаваць спецыялістам ці прадаваць, паведамляе orsha.eu.
Звярка сфатаграфавалі, потым накармілі і адпусцілі на волю. Характэрна, што жывёла, якая не кантактуе з людзьмі, прыняла пачастункі.
Белы крот — вельмі рэдкая жывёла. Краты-альбіносы нараджаюцца рэдка, схільны да хваробаў і рана паміраюць. А гаворка ідзе, усё ж такі, пра жывёлу, якая і на паверхні зямлі бывае рэдка. Таму знаходкі кратоў-альбіносаў прыцягваюць увагу спецыялістаў ды калекцыянераў.
