МІНСК, 14 ліп — Sputnik. На "Славянскім базары" праходзіць Дзень Саюзнай дзяржавы, які ўвянчае юбілейны канцэрт ансамбля "Сябры".
14 ліпеня на фестывалі "Славянскі базар" пройдзе шэраг забаўляльных мерапрыемстваў. Раніцай у 11:00 у беларускім тэатры "Лялька" будзе паказана казка-камедыя "Царэўна-жаба", пастаноўкай якой займаецца Гродзенскі тэатр лялек.
У 14:00 у Цэнтры сучаснага мастацтва пройдзе прадстаўленне беларускіх хадулістаў, а таксама шэраг вулічных перфомансаў. У чатыры гадзіны на вуліцы Талстога адбудзецца канцэрт музычных гуртоў Baltic Band і Jazz City Band.
У 18:00 у КЗ "Віцебск" пройдзе паўфінал Міжнароднага конкурсу выканаўцаў эстраднай песні "Віцебск-2017". У гэты ж час у Летнім амфітэатры адбудзецца канцэрт "Вітае Україна". Тут жа ў дзесяць вечара пройдзе канцэрт ансамбля "Сябры", на якім выступяць Анатоль Ярмоленка, Тамара Гвердцытэлі, Леў Лешчанка, Пётр Ялфімаў, Руслан Аляхно і іншыя.
Пасля 23:00 у парку Фрунзе гледачы змогуць назіраць вогненнае шоу "Вецер начных агнёў".
