На "Славянскім базары" ў Віцебску прайшоў Дзень моладзі. Аднымі з галоўных мерапрыемстваў сталі два фестываля — моладзевых субкультур і "Агонь танца", якія праходзілі адначасова на плошчы Перамогі.
У танцавальным конкурсе спаборнічалі 40 каманд з розных куткоў краіны ў напрамках "брэйк", "лаціна", "стрыт-дэнс", "усходні танец", а таксама "народны танец".
Паралельна на плошчы дзеці гулялі ў баскетбол, лазертаг, падлеткі асвойвалі workout, брэйк-данс і катанне на роліках. А бліжэй да вечара быў запланаваны турнір па сілавым экстрыме.
